Rune Alver: "Brudefølget drar forbi" - Den unge Grieg
Som 22-åring var Edvard Grieg himmelstormande forelska. Han fekk også augene opp for det særeigne norske i musikk og kultur. I dei banebrytande verka frå denne tidlege tida, finn han vegen til sitt personlege tonespråk som gjorde han verdskjend.
Pianist Rune Alver fortel og spelar frå CDen sin som er spelt inn i Troldsalen, Troldhaugen, Edvard Grieg museum.
Pianisten Rune Alver har lang fartstid som utøvar av Griegs musikk på Troldhaugen, Edvard Grieg Museum. Han har også spelt ei rekkje konsertar andre stader i Norge, Europa, Kina, Sør-Afrika, Russland og USA Rune samarbeider med musikarar, skodespelarar og visuelle kunstnarar i tradisjonelle og meir eksperimentelle former Han har spelt inn ei rekkje kritikarroste CD-ar. Ved sida av David Monrad Johansen (1888-1974), Johannes Rivertz (1902-1988) og Signe Lund (1868-1950) sin komplette klaver-produksjon, har han spelt inn musikk av Chopin, Schumann, Catharinus Elling og Torstein Aagaard-Nilsen.
Foto: Hanna Ward
Restrictions
Billettar vert kun refunderte ved avlyst arrangement.